ኣብ ገምምገም ት ቀላይ

Foto: Heidi Kröger
Foto: Heidi Kröger

 

 

ባህታ ዝፈጥር ንፋስ
ፍሽ ፍሽ ክብል
ምስ ማይ ክገማጠል

ኣነ ኣብ ቲ ገምገም ኮይነ
ኣብ ድምጺ ዘይብሉ ዕላል
ካብ ዝክሪ ናብ ዝክሪ ይዘልል

ከም እክሊ ንከብዲ
ዝክሪ ንልቢ
ቐለቡ ዩ ኢለ……..
ገይሸ ንፋስ ተሓዚለ

ግዜ ቁልዕነተይ
ከም ናይ ንግሆ ጸሓይ
ዘይ ሃስስ ስእሊ ኣብ ደረት ሰማይ
ናፊቀዮም ስድራይ።

ውዕሎቶም ዘይርሳዕ
ዕዳ ፍቅሮም ዘይዉዳእ።

ከምቲ ምፍልላይ
ምርካብ ዉን ኣሎ
ግዜ ብልዕ እንበር
ኣበይ ከይተርፍ
ሰላም ክነግስ ዩ
ስድራ ዝጠራንፍ
ኢለ ኣዝሚረ …….

መዝሙር ተስፋ ዩ ዘይዉዳኣ ሓይሊ
ኽሉ ክብጻሕ ዩ ብዓቕሊ
ዉን ውሲከሉ
መዝሙር ናፍቆት ዩ
ይብጻሕ ንፋስ ተሓዚሉ።

 

ቅሳነት ኣብራሃም

Dieser Beitrag ist auch verfügbar auf: Deutsch (German)

Tags from the story
More from Kesanet Abraham

ስዒርክኒ

ስዒርክኒ   ክንደይ ጠሚተ የ ኣብ ዓይነይ ዝዓልባ ከም በለጭታ በርቂ ብ...
Read More